മനാമ: അറബ് സഖ്യസേനയിൽ അംഗങ്ങളായ ബി.ഡി.എഫ് സൈനികരുടെ വീരമൃത്യുവിൽ രാജാവ് ഹമദ് ബിൻ ഈസ ആൽ ഖലീഫ, കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് ആൽ ഖലീഫ, ബി.ഡി.എഫ് കമാൻഡർ, സൈനികർ, വീരമൃത്യു വരിച്ച സൈനികരുടെ കുടുംബാംഗങ്ങൾ, ബന്ധുക്കൾ തുടങ്ങിയവർക്ക് മന്ത്രിസഭ അനുശോചനം നേർന്നു.
വീരമൃത്യുവരിച്ച ബി.ഡി.എഫ് സൈനികരായ ഹമദ് ഖലീഫ അൽ കുബൈസി, ആദം സാലിം നസീബ് എന്നിവരുടെ കുടുംബാംഗങ്ങളെ രാജാവ് ഹമദ് ബിൻ ഈസ ആൽ ഖലീഫ സ്വീകരിച്ചു. സാഫിരിയ്യ പാലസിൽ നടന്ന കൂടിക്കാഴ്ചയിൽ ഇരുവരുടെയും വേർപാടിലുള്ള ദുഃഖവും പ്രയാസങ്ങളും അറിയിക്കുകയും അനുശോചനം രേഖപ്പെടുത്തുകയും ചെയ്തു.
യമനിൽ സമാധാനം തിരികെ കൊണ്ടുവരുന്നതിന് ദൗത്യത്തിലേർപ്പെട്ടിരുന്ന സൗദിയുടെ കീഴിലുള്ള അറബ് സഖ്യസേനയിൽ സേവനമനുഷ്ഠിക്കവെയായിരുന്നു ഇരുവരും ഹൂതി തീവ്രവാദികളാൽ കൊല്ലപ്പെട്ടത്. ഇരുവർക്കും പ്രപഞ്ചനാഥൻ സ്വർഗം നൽകി അനുഗ്രഹിക്കട്ടെയെന്ന് ഹമദ് രാജാവ് പ്രാർഥിച്ചു. പ്രിയപ്പെട്ടവരുടെ വേർപാടിൽ ദുഃഖമനുഭവിക്കുന്ന കുടുംബങ്ങൾക്ക് സഹനവും ക്ഷമയും പ്രദാനം ചെയ്യാനും അവരുടെ വേർപാടുകൊണ്ടുണ്ടായ പ്രയാസം തരണംചെയ്യാനുള്ള കരുത്ത് അല്ലാഹു നൽകട്ടെയെന്നും പ്രാർഥിച്ചു.
Related News
ഹജ്ജിനായി പോകുന്നവർക്ക് മാർഗനിർദേശം പുറത്തിറക്കി ബഹ്റൈൻ
ബഹ്റൈനിൽ അനധിക്യത താമസക്കാരെ കണ്ടെത്താൻ പരിശോധന തുടരുന്നു
ബഹ്റൈനിൽ ജോലിചെയ്യുന്നവരിൽ അഞ്ച് ലക്ഷത്തിലേറെ പ്രവാസികൾ
23 മുതൽ മറാഇ 2023 ബഹ്റിനിൽ
ഗാസയിൽ നിന്ന് പൗരൻമാരെ ഒഴിപ്പിച്ച് ബഹ്റൈൻ
ഇസ്രായേലിലെ ബഹ്റൈൻ അംബാഡറെ തിരിച്ചുവിളിച്ചു
ടെന്റ് സീസൺ ഓൺലൈൻ ബുക്കിങ് നവംബർ രണ്ട് മുതൽ
ഇന്റർനാഷനൽ എയർ ട്രാൻസ്പോർട്ട് എക്സിബിഷന് ബഹ്റൈൻ ആതിഥ്യം വഹിക്കും
ഗൾഫ് സ്വപ്നം യാഥാർഥ്യമാക്കാൻ ശ്രമിച്ചു ചതിക്കപ്പെടുന്നവർ കൂടുന്നു
ബഹ്റൈൻ ഫിലിം ഫെസ്റ്റിവൽ ഒക്ടോബർ അഞ്ച് മുതൽ
ലുലുവിന്റെ പത്താമത്തെ ഹൈപ്പർമാർക്കറ്റ് ബഹ്റൈനിൽ പ്രവർത്തനമാരംഭിച്ചു
ബഹ്റൈനും ഇന്ത്യയും തമ്മിലുളള ഉഭയ കക്ഷി ബന്ധം ശക്തിപ്പെടുത്തും
വീരമൃത്യുവരിച്ചവർ രാജ്യത്തിനും ജനങ്ങൾക്കും അവരുടെ കുടുംബങ്ങൾക്കും അഭിമാനകരമായ ചരിത്രം അവശേഷിപ്പിച്ചാണ് കടന്നുപോയിട്ടുള്ളത്. അവരുടെ ധീരതയും സമർപ്പണവും എന്നും രാജ്യം സ്മരിക്കുമെന്നും അഭിമാനകരമായ അവരുടെ രക്തസാക്ഷിത്വം പ്രചോദനമാണെന്നും രാജാവ് കൂട്ടിച്ചേർത്തു. സൈനികരുടെ ബന്ധുക്കൾ ഹമദ് രാജാവിന്റെ നേരിട്ടുളള അനുശോചനത്തിനും ആശ്വാസ വാക്കുകൾക്കും നന്ദിയും കടപ്പാടും അറിയിക്കുകയും ചെയ്തു.
കൂടുതൽ വാർത്തകൾക്കും വിശേഷങ്ങൾ അറിയുന്നതിനായി മലയാളദേശം Whatsapp ഗ്രൂപ്പിൽ ജോയിൻ ചെയ്യുക https://chat.whatsapp.com/DYIe42DWaDnGyI9ObSyA1C
