ദോഹ : ഇലക്ട്രോണിക് സേവനങ്ങൾ വികസിപ്പിക്കുന്നതിനുള്ള ശ്രമങ്ങളുടെ ഭാഗമായി ആഭ്യന്തരമന്ത്രാലയം ഡിപ്പാർട്ട്മെന്റ് പലപ്പോഴും നടത്തുന്ന ലേലങ്ങൾ കാര്യക്ഷമം ആക്കുന്നതിന് വേണ്ടി 2023 ഒക്ടോബർ 23 തിങ്കളാഴ്ച “sooum” മൊബൈൽ ആപ്ലിക്കേഷൻ പുറത്തിറക്കി.
ആഭ്യന്തരമന്ത്രാലയം വാഗ്ദാനം ചെയ്യുന്ന സാധനങ്ങൾ വാങ്ങുന്നതിനുള്ള നടപടിക്രമങ്ങൾ സുഗമമാക്കുന്നതിനുള്ള ഒരു പുതിയ ഘട്ടമാണ് ഈ ആപ്ലിക്കേഷൻ. വ്യത്യസ്ത നമ്പർ പ്ലേറ്റുകൾ,വാഹനങ്ങൾ, ബോട്ടുകൾ,ഉപകരണങ്ങൾ, ഇലക്ട്രോണിക് ഉപകരണങ്ങൾ,മറ്റു സാധനങ്ങൾ എന്നിവയ്ക്കായി പതിവായി ലേലം നടത്തുന്നു.
പ്രാരംഭഘട്ടത്തിൽ ആപ്ലിക്കേഷൻ വ്യക്തമായ ട്രാഫിക് പ്ലേറ്റ് നമ്പറുകളിലേക്ക് പരിമിതപ്പെടുത്തിയിരിക്കും. കൂടാതെ ഇത് മൊബൈൽ ആപ്പ് സ്റ്റോറിൽ നിന്ന് ഡൗൺലോഡ് ചെയ്യാനും മെട്രാഷ് -2 അതിന്റെ അപ്ലിക്കേഷൻ രജിസ്ട്രേഷൻ വിശദാംശങ്ങളിലൂടെയും പുതിയ അക്കൗണ്ട് സൃഷ്ടിക്കുന്നതിലൂടെയോ ആക്സസ് ചെയ്യാവുന്നതാണ്.
നൂതന സാങ്കേതിക സംവിധാനങ്ങൾക്ക് അനുസൃതമായാണ് സൂം ആപ്ലിക്കേഷൻ വികസിപ്പിച്ചെടുത്തിട്ടുള്ളത്. അതുവഴി ഉപയോക്താവിന് ഒരു വിശിഷ്ടമായ അനുഭവം ഇതിലൂടെ നൽകുന്നു. അതിൽ ഓട്ടോമേറ്റഡ് ബിഡ്ഡിംഗ്, സ്മാർട്ട് തിരയൽ, നിർദ്ദേശങ്ങൾ, തുടങ്ങിയ മികച്ച സവിശേഷതകൾ അടങ്ങിയിരിക്കുന്നു.
രണ്ട് തരത്തിലുള്ള പ്രത്യേക നമ്പർ പ്ലേറ്റ് ലേലങ്ങൾ വാഗ്ദാനം ചെയ്യുന്നു. 2023 ഒക്ടോബർ 31 വരെ ലേലത്തിൽ പങ്കെടുക്കാൻ ഇത് പൊതുജനങ്ങളെ അനുവദിക്കും പിന്നീട് കൂടുതൽ വിഭാഗങ്ങൾ ചേർക്കും.

കൂടുതൽ വാർത്തകൾക്കും വിശേഷങ്ങൾ അറിയുന്നതിനായി മലയാളദേശം Whatsapp ഗ്രൂപ്പിൽ ജോയിൻ ചെയ്യുക https://chat.whatsapp.com/DYIe42DWaDnGyI9ObSyA1C