ദോഹ : ഖത്തറിൽ ഉടനീളം നിയമവിരുദ്ധമായ മയക്കുമരുന്ന് ഇടപാടിൽ പങ്കാളികളായ നിരവധി വ്യക്തികളെ ജനറൽ ഡയറക്ടറേറ്റ് ഓഫ് ഡ്രഗ് എൻഫോഴ്‌സ്മെന്റ് അറസ്റ്റ് ചെയ്തതായി ആഭ്യന്തരമന്ത്രാലയം അറിയിച്ചു. “ജിയോ ലൊക്കേഷൻ” ഫീച്ചർ ഉപയോഗിച്ച് നിരവധി അറബ് പൗരന്മാർ രാജ്യത്തിനകത്ത് മയക്കുമരുന്ന് പ്രചാരണത്തിൽ ഏർപ്പെട്ടതായി എം ഒ ഐ കണ്ടെത്തി. തിരച്ചിലിനൊടുവിൽ ഒരു ലക്ഷത്തിലധികം ക്യാപ്റ്റഗൺ ഗുളികകൾ അവരുടെ വസതികളിൽ നിന്ന് കണ്ടെത്തിയതിനെ തുടർന്ന് പ്രതികൾ കുറ്റം സമ്മതിച്ചു. പിടികൂടിയ വ്യക്തികളെയും പിടിച്ചെടുത്ത വസ്തുക്കളെയും നിയമനടപടികൾക്കായി ബന്ധപ്പെട്ട പ്രോസിക്യൂഷൻ ഓഫീസിലേക്ക് റഫർ ചെയ്തതായി മന്ത്രാലയം വ്യക്തമാക്കി.

കൂടുതൽ വാർത്തകൾക്കും വിശേഷങ്ങൾ അറിയുന്നതിനായി മലയാളദേശം Whatsapp ഗ്രൂപ്പിൽ ജോയിൻ ചെയ്യുക https://chat.whatsapp.com/DYIe42DWaDnGyI9ObSyA1C