തിരുവനന്തപുരം: സിനിമാ മേഖലയിൽ സർക്കാരിന്റെ നേരിട്ടുള്ള ഇടപെടൽ സാധ്യമാക്കുന്ന തരത്തിലൽ നിയമാവലി തയാറാകുന്നു. സിനിമയെ സമ്പൂർണ വ്യവസായമായിക്കണ്ട്, ഈ രംഗത്ത് നിക്ഷേപം നടത്തുന്നവരുടെ സാമ്പത്തിക സുരക്ഷ ഉറപ്പാക്കുന്ന തരത്തിലാണ് കരടു സിനിമാ നയം തയാറാകുന്നത്.
കേരളത്തെ തെക്കേ ഇന്ത്യയിലെ പ്രധാന ‘ഷൂട്ടിങ് ഡെസ്റ്റിനേഷൻ’ ആക്കി മാറ്റാനും ഈ മേഖലയിൽ സംസ്ഥാനത്തേക്കു കൂടുതൽ നിക്ഷേപകരെ ആകർഷിക്കാനും പദ്ധതികൾ കൊണ്ടുവരും. സിനിമയിൽ സൗഹാർദപരമായ സാന്നിധ്യം ഉറപ്പു വരുത്തുന്നതിനൊപ്പം ചലച്ചിത്ര മേഖലയ്ക്കായി കൂടുതൽ ഇളവുകൾ പ്രഖ്യാപിക്കാനും സർക്കാർ തയാറാകും.
ചലച്ചിത്ര നിർമാണ മേഖലയ്ക്കുള്ള സർക്കാരിന്റെ സഹായ പദ്ധതികളിലും വൻ അഴിച്ചുപണി പ്രതീക്ഷിക്കുന്നു. ദേശീയ– രാജ്യാന്തര തലത്തിൽ പുരസ്കാരങ്ങൾ നേടുന്ന സിനിമകൾക്കും അണിയറ പ്രവർത്തകർക്കും സബ്സിഡിയും സാമ്പത്തിക സഹായവും വർധിപ്പിക്കും. സർക്കാർ നിയന്ത്രിത ഇടങ്ങളിലെ ചിത്രീകരണത്തിന് വിവിധ ഓഫിസുകളെയും ഉദ്യോഗസ്ഥരെയും സമീപിക്കുന്ന രീതി മാറ്റി ഒറ്റ കേന്ദ്രത്തിൽ നിന്ന് മുഴുവൻ അനുമതിയും ലഭ്യമാക്കുന്ന സംവിധാനവും വരും. ടൂറിസം സർക്യൂട്ടുകളിലും സർക്കാർ മന്ദിരങ്ങളിലും ചിത്രീകരണത്തിന് പ്രത്യേക ഇളവുകളുണ്ടാകും.
Related News
ഭാരതത്തിന്റെ റിപ്പബ്ലിക് ദിന പരേഡിൽ പങ്കെടുക്കാൻ കേരളത്തിൽ നിന്നും 12 എൻഎസ്എസ് പെൺകുട്ടികൾ
കേരളത്തിൽ ഇന്ന് സ്വർണവില ഉയർന്നു
ഭിന്നശേഷിക്കാർക്ക് എംപ്ലോയ്മെന്റ് രജിസ്ട്രേഷൻ പുതുക്കുന്നതിന് അവസരം
ഡോ. ഷഹനയുടെ മരണം: റുവൈസിന്റെ കുടുംബത്തിലേക്കും അന്വേഷണം
കളമശ്ശേരി ബോംബ് സ്‌ഫോടനം: കൊല്ലപ്പെട്ടവർ എട്ടായി
സംസ്ഥാനത്ത് സ്വർണവില ഉയർന്നു; കൂടിയത് പവന് 240 രൂപ
കേരളത്തിൽ ഇന്ന് സ്വർണവില ഉയർന്നു
ക്വാലലംപുരിലേക്ക് മലേഷ്യ എയർലൈൻസ് തിരുവനന്തപുരത്തു നിന്ന് സർവീസ് തുടങ്ങുന്നു
കേരളീയത്തിനു വൻ ജനപങ്കാളിത്തം; അടുത്ത വർഷവും മികച്ച രീതിയിൽ: മുഖ്യമന്ത്രി
ഗവർണർ ആരിഫ് മുഹമ്മദ് ഖാനെതിരെ സംസ്ഥാന സർക്കാർ സുപ്രീംകോടതിയിൽ
ഒരാഴ്ചത്തെ ‘കേരളീയം’
യുനെസ്കോയുടെ സാഹിത്യനഗര പദവി കോഴിക്കോടിന്
സിനിമാ ചിത്രീകരണവുമായി ബന്ധപ്പെട്ട് നിർമാതാവ് ചെലവഴിക്കുന്ന പണം എത്രത്തോളം സംസ്ഥാനത്തിന് ഗുണകരമാകുന്നു എന്നതു കണക്കാക്കി ചലച്ചിത്ര വ്യവസായികൾക്കും നിർമാതാക്കൾക്കും കമ്പനികൾക്കും പ്രത്യേക ഇളവുകളും റിബേറ്റുകളും നൽകുന്ന രീതി മറ്റു സംസ്ഥാനങ്ങളിലുണ്ട്. ആ മാതൃകയിൽ സാമ്പത്തിക ഇളവുകൾ നൽകുന്നതും കേരളത്തിന്റെ പരിഗണനയിലുണ്ട്.
കൂടുതൽ വാർത്തകൾക്കും വിശേഷങ്ങൾ അറിയുന്നതിനായി മലയാളദേശം Whatsapp ഗ്രൂപ്പിൽ ജോയിൻ ചെയ്യുക https://chat.whatsapp.com/DYIe42DWaDnGyI9ObSyA1C
