ദോഹ: മിന മേഖലയിലെ പ്രഥമ ജനീവ രാജ്യാന്തര മോട്ടർ ഷോയ്ക്ക് ഇനി 3 നാൾ. ഈ വ്യാഴാഴ്ച മുതൽ 14 വരെ ദോഹ എക്സിബിഷൻ ആൻഡ് കൺവൻഷൻ സെന്ററിലാണ് (ഡിഇസിസി) പ്രദർശനം. ശനിയാഴ്ച മുതലാണ് പൊതുജനങ്ങൾക്ക് പ്രവേശനം. മധ്യപൂർവദേശത്തും വടക്കൻ ആഫ്രിക്കൻ മേഖലയിലും ഇതാദ്യമായാണ് ജനീവ രാജ്യാന്തര മോട്ടർ ഷോ നടക്കുന്നത്.
അമീരി കാറുകൾ മുതൽ പോപ്മൊബീൽ വരെയുള്ള അപൂർവ മോഡൽ കാറുകളുടെ ക്ലാസിക് ഗാലറിയാണ് ജനീവ മോട്ടർ ഷോയിലെ പ്രധാന ആകർഷണം. ദോഹ എക്സിബിഷൻ ആൻഡ് കൺവൻഷൻ സെന്ററിലാണ് ക്ലാസിക് ഗാലറി. ക്ലാസിക് കാറുകൾ വാങ്ങുന്നവരെയും ശേഖരിക്കുന്നവരെയും വാഹന പ്രേമികളെയും ഒരുപോലെ വിസ്മയിപ്പിക്കുന്ന പ്രദർശനമാണിത്.
ഓഫ് റോഡ് വാഹന പ്രകടനം, അപൂർവ മോഡൽ കാറുകളുടെ പ്രദർശനം, സാൻഡ് ബോർഡിങ്, ഒട്ടക സവാരി, ഡ്യൂൺ ബഗീസ്, ഹീറോ ആക്ട്, തൽസമയ സംഗീത പരിപാടികൾ, കുക്കിങ് തുടങ്ങി വിവിധപരിപാടികൾ കാണാം. ഖത്തർ ഓട്ടോ മ്യൂസിയവും കാർ ഡിസൈൻ ന്യൂസും ജിംസ് ഖത്തറും ചേർന്ന് സംഘടിപ്പിക്കുന്ന ഫ്യൂച്ചർ ഡിസൈൻ ഫോറം ഈ മാസം 9ന് ഖത്തർ ദേശീയ മ്യൂസിയത്തിൽ നടക്കും. കാർ ഡിസൈനുകളുടെ ഭാവിയെക്കുറിച്ചുള്ള പരിപാടിയിൽ വാഹന രംഗത്തെ വിദഗ്ധർ പങ്കെടുക്കും.
Related News
എഎഫ്സി ഏഷ്യൻ കപ്പ്: ദോഹ മെട്രോ ജനുവരി 19ന് കൂടുതൽ സമയം പ്രവർത്തിക്കും
ഖത്തർ; കുട്ടികളുള്ള സർക്കാർ ജോലിക്കാരായ സ്ത്രീകളുടെ തൊഴിൽ സമയം കുറയ്ക്കാൻ പദ്ധതി
ഗസ്സയിൽ നടക്കുന്നത് വംശീയ ഉന്മൂലനം: ഖത്തര്
ഖത്തറിന്റെ വിവിധ ഭാഗങ്ങളിൽ വ്യത്യസ്ത തീവ്രതയുള്ള മഴ
കൊക്കെയ്ൻ കടത്താനുള്ള ഇൻമ്പൗണ്ട് യാത്രക്കാരന്റെ ശ്രമം എയർപോർട്ട് അധികൃതർ പരാജയപ്പെടുത്തി
ഖത്തറില് ഇന്നു മുതല് കാലാവസ്ഥയില് മാറ്റം
അറബിക് നോവലിനായുള്ള കത്താറ ഫെസ്റ്റിവൽ ആരംഭിച്ചു
ദുരിതാശ്വാസം നൽകാൻ ഗാസ ഇടനാഴി തുറക്കണം: അമീർ ഷെയ്ഖ് തമീം ബിൻ ഹമദ് അൽതാനി
സിംഫണി ഓഫ് സൗണ്ട് പോസ്റ്റർ പ്രകാശനം ചെയ്തു
ആർട്സ് ആൻഡ് വെൽനസ് സൊസൈറ്റി – ഫിറ്റ്നസ് പ്രോഗ്രാമിന് ഉജ്വല തുടക്കം
അടിസ്ഥാന സൗകര്യ മേഖല വികസിപ്പിക്കാൻ പുതിയ പദ്ധതികളുമായി ഖത്തർ
ഖത്തർ ഇന്ത്യൻ എംബസിയുടെ പ്രവർത്തി സമയം മാറ്റുന്നു
30 ലോകോത്തര വാഹന ബ്രാൻഡുകളാണ് പുത്തൻ മോഡലുകളുമായി പ്രദർശനത്തിനെത്തുന്നത്. പത്തോളം ലോക പ്രീമിയർ, ഇരുപതോളം മേഖലാ പ്രീമിയർ കാറുകളാണ് ഷോയിലുള്ളത്.
ഡിഇസിസിയിൽ ശനിയാഴ്ചകളിൽ രാവിലെ 10 മുതൽ രാത്രി 10 വരെയുമാണ് പൊതുജനങ്ങൾക്ക് പ്രവേശനം. പ്രവൃത്തി ദിനങ്ങളിൽ പ്രവേശനം സൗജന്യമാണ്. വാരാന്ത്യങ്ങളിൽ ഒരാൾക്ക് 50 റിയാലാണ് നിരക്ക്.
പ്രവേശനത്തിനുള്ള ടിക്കറ്റുകൾക്ക്: https://tickets.virginmegastore.me/qa/others/20431/geneva-international-motor-showart
കൂടുതൽ വാർത്തകൾക്കും വിശേഷങ്ങൾ അറിയുന്നതിനായി മലയാളദേശം Whatsapp ഗ്രൂപ്പിൽ ജോയിൻ ചെയ്യുക https://chat.whatsapp.com/DYIe42DWaDnGyI9ObSyA1C
