വത്തിക്കാൻ: പശ്ചിമേഷ്യൻ സംഘർഷത്തിൽ സമാധാനത്തിന്റെ ആഹ്വാനവുമായി ഫ്രാൻസിസ് മാർപാപ്പ. പശ്ചിമേഷൻ സംഘർഷത്തിൽ വിശ്വാസികൾക്കൊരു പക്ഷമുണ്ടെങ്കിൽ അത് സമാധാനത്തിന്റെ പക്ഷമാകണമെന്ന് മാർപാപ്പ അഭ്യർത്ഥിച്ചു.
ഒക്ടോബർ 27 പശ്ചിമേഷ്യൻ സമാധാനത്തിന് വേണ്ടി പ്രാർത്ഥനാ ദിനമായി ആചരിക്കാൻ ആഹ്വാനം ചെയ്ത മാർപാപ്പ ദിനാചരണത്തിൽ പങ്കുചേരാൻ ഇതരമതവിശ്വാസികളെയും ക്ഷണിച്ചു.
സമാധാനത്തിനായി പ്രാർത്ഥനയും സമർപ്പണവും നൽകണമെന്നും മാനുഷിക ദുരന്തം ഒഴിവാക്കാൻ സാധ്യമായതെല്ലാം ചെയ്യണമെന്നും മാർപാപ്പ പറഞ്ഞു. ആയുധങ്ങളെ നിശ്ശബ്ദമാക്കൂ സമാധാനത്തിനായി ശബ്ദിക്കൂ എന്നും മാർപാപ്പ ആഹ്വാനം ചെയ്തു.
കൂടുതൽ വാർത്തകൾക്കും വിശേഷങ്ങൾ അറിയുന്നതിനായി മലയാളദേശം Whatsapp ഗ്രൂപ്പിൽ ജോയിൻ ചെയ്യുക https://chat.whatsapp.com/DYIe42DWaDnGyI9ObSyA1C
