റാസൽഖൈമ: എയർ അറേബ്യ നവംബർ 22ന് റാസൽഖൈമയിൽനിന്ന് കോഴിക്കോട്ടേക്ക് പുതിയ വിമാന സർവീസ് ആരംഭിക്കുന്നു. വടക്കൻ എമിറേറ്റിലുള്ള പ്രവാസി ഇന്ത്യക്കാർക്കും യുഎഇയിൽ നിന്നുള്ള വിനോദ സഞ്ചാരികൾക്കും നേരിട്ടുള്ള വിമാന സർവീസ് ഗുണകരമാകുമെന്ന് എയർ അറേബ്യ സിഇഒ ആദിൽ അൽ അലി പറഞ്ഞു.
ബുധൻ, വെള്ളി, ഞായർ ദിവസങ്ങളിൽ ആഴ്ചയിൽ 3 വിമാന സർവീസാണ് ഉണ്ടാവുക. പ്രാദേശിക സമയം ഉച്ചയ്ക്ക് 2.10ന് പുറപ്പെടുന്ന വിമാനം രാത്രി 8.10ന് കരിപ്പൂരിൽ ഇറങ്ങും. തിരിച്ച് കോഴിക്കോടുനിന്ന് 8.50ന് പുറപ്പെട്ട് റാസൽഖൈമയിൽ രാത്രി 11.25ന് ഇറങ്ങും.
എയർ അറേബ്യ റാസൽഖൈമയിൽനിന്ന് 2014 മുതൽ മറ്റു സെക്ടറുകളിലേക്ക് സർവീസ് നടത്തുന്നു. നിലവിൽ ഷാർജ, അബുദാബി, റാസൽഖൈമ വിമാനത്താവളങ്ങൾ കേന്ദ്രീകരിച്ചാണ് സർവീസുകൾ.
Related News
എയർ അറേബ്യക്ക് 53% വർധനവ്. 1.32 ശതകോടി ലാഭം രേഖപ്പെടുത്തി
കൂടുതൽ വാർത്തകൾക്കും വിശേഷങ്ങൾ അറിയുന്നതിനായി മലയാളദേശം Whatsapp ഗ്രൂപ്പിൽ ജോയിൻ ചെയ്യുക https://chat.whatsapp.com/DYIe42DWaDnGyI9ObSyA1C
