ഇടിമിന്നലിലും കനത്ത മഴയിലും ആണ് നിരവധി യുഎഇ നിവാസികൾ ഉറക്കമുണർന്നത്. ദേശീയ കാലാവസ്ഥാ കേന്ദ്രം രാജ്യത്തുടനീളം ഓറഞ്ച്, യെല്ലോ അലേർട്ടുകൾ പുറപ്പെടുവിച്ചിട്ടുണ്ട്.
കടൽത്തീരങ്ങളിൽ നിന്നും വെള്ളപ്പൊക്ക സാധ്യതയുള്ള പ്രദേശങ്ങളിൽ നിന്നും ഒഴിഞ്ഞുനിൽക്കാൻ നിർദ്ദേശിച്ച് ദുബായ് പോലീസ് എല്ലാ താമസക്കാർക്കും പൊതു സുരക്ഷാ മുന്നറിയിപ്പ് അയച്ചിട്ടുണ്ട്.
വാഹനമോടിക്കുന്നവർ ശ്രദ്ധാപൂർവം വാഹനമോടിക്കാനും അതോറിറ്റി നൽകുന്ന നിർദേശങ്ങൾ പാലിക്കാനും നിർദേശിക്കുന്നു.
Related News
യുഎഇയിൽ ശക്തമായ കാറ്റും മഴയും, നിരവധി നാശനഷ്ടം
രാജ്യത്തെ മറ്റ് എമിറേറ്റുകളിലും കനത്ത മഴയും ഇടിമിന്നലും തുടരുന്നു.
അസ്ഥിരമായ കാലാവസ്ഥയിൽ ദുബായ് സ്കൂളുകൾ ഓൺലൈൻ പഠനത്തിലേക്ക് മാറി, പെട്ടെന്നുള്ള മാറ്റത്തെക്കുറിച്ച് മാതാപിതാക്കളെ അറിയിച്ചുകൊണ്ട് ഇമെയിലുകൾ അയച്ചു. ഇന്നലെ അജ്മാൻ, ഉമ്മുൽ ഖുവൈൻ, റാസൽഖൈമ എന്നിവിടങ്ങളിലെ സ്കൂളുകൾ വിദൂര പഠനത്തിലേക്ക് മാറ്റാൻ അധികൃതർ നിർദേശം നൽകിയിരുന്നു.
NCM അനുസരിച്ച്, ഇന്ന് താപനില കുറയും, രാത്രിയിലും ശനിയാഴ്ച രാവിലെയും കാലാവസ്ഥ ഈർപ്പമുള്ളതായിരിക്കും. രാജ്യത്തിന്റെ പർവതപ്രദേശങ്ങളിൽ താപനില 14 ഡിഗ്രി സെൽഷ്യസായി കുറയുമെന്നും യുഎഇയുടെ ഉൾപ്രദേശങ്ങളിൽ പരമാവധി 33 ഡിഗ്രി സെൽഷ്യസിൽ എത്തുമെന്നും പ്രതീക്ഷിക്കുന്നു.
കൂടുതൽ വാർത്തകൾക്കും വിശേഷങ്ങൾ അറിയുന്നതിനായി മലയാളദേശം Whatsapp ഗ്രൂപ്പിൽ ജോയിൻ ചെയ്യുക https://chat.whatsapp.com/DYIe42DWaDnGyI9ObSyA1C
