ദോഹ: ഖത്തറിന്റെ ആഭ്യന്തര സുരക്ഷാ സൈനിക അഭ്യാസ പ്രകടനമായ ‘വതൻ എക്സസൈസ്’ നവംബർ ആറ് മുതൽ എട്ടു വരെ തീയതികളിൽ രാജ്യത്തിന്റെ വിവിധ മേഖലകളിലായി നടക്കുമെന്ന് ആഭ്യന്തര മന്ത്രാലയം ഉദ്യോഗസ്ഥർ വാർത്താ സമ്മേളനത്തിൽ അറിയിച്ചു. സാധാരണ സമയങ്ങളിലും, കായിക പരിപാടികൾ ഉൾപ്പെടെ മേളകളിലെ അടിയന്തര സാഹചര്യങ്ങൾ എന്നിവയിൽ അതിവേഗത്തിലും ഫലപ്രദമായും പ്രതികരിക്കാനുള്ള സന്നദ്ധത പരീക്ഷിക്കാനും, കാര്യക്ഷമത ഉയർത്താനും വേണ്ടിയാണ് ‘വതൻ എക്സസൈസ്’ ലക്ഷ്യമിടുന്നതെന്ന് ബ്രി. അൽ മുഫ്ത വിശദീകരിച്ചു.
അടിയന്തര സാഹചര്യങ്ങളിൽ അതിവേഗത്തിൽ പ്രതികരണം ഉറപ്പാക്കുക, കമാൻഡ്, കൺട്രോൾ, സംയുക്ത സഹകരണം എന്നിവയുടെ സംവിധാനം സജീവമാക്കുക, വിവിധ വിഭാഗങ്ങളുടെ സഹകരണം ശക്തിപ്പെടുത്താനും സംയുക്ത വിഭാഗങ്ങളുടെ പരിശീലനത്തിലൂടെ സാധ്യമാവും. വിവിധ മേഖലകളിൽ അടിയന്തര സാഹചര്യങ്ങൾ നേരിടുന്നതിൻെറ തയ്യാറെടുപ്പുകൾ പരീക്ഷിക്കുന്നതിൻെറ ഭാഗമായാണ് സുരാക്ഷാ സേനാ വിഭാഗങ്ങൾ, വിവിധ മന്ത്രാലയങ്ങൾ, സർക്കാർ ഏജൻസികൾ എന്നിവയുടെ ആഭിമുഖ്യത്തിൽ ‘വതൻ’ പരിശീലന അഭ്യാസം നടക്കുന്നത്. ഇതുസംബന്ധിച്ച വിശദാംശങ്ങൾ അധികൃതർ അറിയിച്ചു.
ഓഫീസ്, ഫീൽഡ് അഭ്യാസങ്ങൾ ഉൾപ്പെടെയാണ് വതൻ പരിശീലനം ക്രമീകരിക്കുന്നത്. 2022 ലോകകപ്പ് മുന്നിൽ കണ്ട് നടത്തിയ ‘വതൻ’ അഭ്യാസം ഒരുപാട് മേഖലകളിൽ ഗുണകരമായ ഫലങ്ങൾ നൽകിയതായും, ഇവയിൽ നിന്നുള്ള പാഠങ്ങൾ ലോകകപ്പ് വേളയിൽ സിവിൽ അധികാരികളുമായി ഏകോപിപ്പിച്ച് പൊതു സുരക്ഷക്കായി ഉപയോഗപ്പെടുത്തിയെന്നും ബ്രി. അൽ മുഫ്ത വിശദീകരിച്ചു.
കൂടുതൽ വാർത്തകൾക്കും വിശേഷങ്ങൾ അറിയുന്നതിനായി മലയാളദേശം Whatsapp ഗ്രൂപ്പിൽ ജോയിൻ ചെയ്യുക https://chat.whatsapp.com/DYIe42DWaDnGyI9ObSyA1C
