അബുദബി: രാജ്യാന്തര വിമാനത്താവളത്തിലെ പുതിയ ടെര്‍മിനല്‍ അടുത്ത മാസം ഒന്നിന് പ്രവര്‍ത്തനം ആരംഭിക്കും. ഈ മാസം 31ന് ഇത്തിഹാദ് എയര്‍വെയ്സ് പുതിയ ടെര്‍മിനലില്‍ നിന്നും ഉദ്ഘാടന പറക്കല്‍ നടത്തുമെന്ന് എയര്‍പോര്‍ട്ട് അതോറിറ്റി അറിയിച്ചു. 1080 കോടി ദിര്‍ഹം മുതല്‍ മുടക്കിലാണ് പുതിയ ടെര്‍മിനല്‍ സജ്ജമാക്കിയിരിക്കുന്നത്.
വിമാനങ്ങളുടെ പരിശീലന പറക്കല്‍ ഉള്‍പ്പെടെ എല്ലാ സുരക്ഷാ നടപടികളും പൂര്‍ത്തിയാക്കിയാണ് അബുദബി വിമാനത്താവളത്തിലെ പുതിയ ഗ്രീന്‍ഫീല്‍ഡ് ടെര്‍മിനല്‍ യത്രക്കാരെ വരവേല്‍ക്കാന്‍ തയ്യാറെടുക്കുന്നത്. ലോകത്തിലെ തന്നെ ഏറ്റവും വലിയ വിമാനത്താവള ടെര്‍മിനലുകളില്‍ ഒന്നാണ് അബുദബി വിമാനത്താവളം. വിസ് എയര്‍ അടക്കം 15 എയര്‍ലൈനുകളായിരിക്കും ആദ്യ ദിനം ഇവിടെ നിന്ന് സര്‍വീസ് നടത്തുക.
നവംബര്‍ ഒമ്പത് മുതൽ ഇത്തിഹാദ് എയര്‍വെയ്സ് പ്രതിദിനം 16 സര്‍വീസുകള്‍ ആരംഭിക്കും. നവംബര്‍ 10 മുതല്‍ ഇത്തിഹാദ് എയര്‍വെയ്സിന്റെ മുഴുവന്‍ സര്‍വീസുകളും പുതിയ ടെര്‍മിനലിലേക്ക് മാറ്റും. എയര്‍ അറേബ്യ അടക്കം 24 എയര്‍ലൈനുകളും നവംബര്‍ 14 മുതല്‍ പുതിയ ടെര്‍മിനലില്‍ നിന്ന് സര്‍വീസ് തുടങ്ങും. രണ്ട് ആഴ്ച്ചക്കാലം നീണ്ടുനില്‍ക്കുന്ന മൂന്ന് ഘട്ടങ്ങളിലായിട്ടായിരിക്കും എയര്‍ലൈനുകള്‍ പുതിയ ടെര്‍മിനലിലേക്ക് മാറുക.
Related News
കോഴിക്കോട്, തിരുവനന്തപുരം സർവീസുകൾ പുനരാരംഭിക്കാൻ ഇത്തിഹാദ്
പ്രവാസി കുടുംബങ്ങളുടെ ചങ്കിടിപ്പ് കൂട്ടി യുഎഇയിൽ ആരോഗ്യ ഇൻഷുറൻസ് പ്രീമിയം
കാറ്റിൽനിന്ന് വൈദ്യുതി; പദ്ധതിക്ക് തുടക്കം കുറിച്ച് യു.എ.ഇ
80 തരം രോഗങ്ങളുടെ ചികിൽസക്ക് സഹായകമാകുന്ന ‘ബയോ ബാങ്ക്’ വരുന്നു
ദുബായ് ഗ്ലോബല്‍ വില്ലേജ് സീസൺ 28; വിഐപി പാക്കേജുകള്‍ മുന്‍കൂട്ടി ബുക്ക് ചെയ്യാം
നിയമം ലംഘിച്ച് റിക്രൂട്ട്മെന്റ്; രണ്ട് സ്ഥാപനങ്ങളുടെ ലൈസൻസ് റദ്ദാക്കി
പ്രവാസികൾക്കായി കുറഞ്ഞ ടിക്കറ്റ് നിരക്കുമായി സലാം എയര്‍
രൂപയിലും ദിര്‍ഹത്തിലും ക്രൂഡ് ഓയില്‍ വ്യാപാരം
വളര്‍ത്തു മൃഗങ്ങളെ ഉപേക്ഷിക്കുന്നവര്‍ക്ക് മുന്നറിയിപ്പ്
മണിക്കൂറില്‍ 11,000 യാത്രക്കാരെ ഉള്‍ക്കൊളളാന്‍ ശേഷിയുളളതാണ് പുതിയ ടെര്‍മിനല്‍. പ്രതിവര്‍ഷം 45 ദശലക്ഷം ആളുകള്‍ ഇത് വഴി യാത്ര ചെയ്യും. കൂടുതല്‍ യാത്രക്കാരെ കൈകാര്യം ചെയ്യുന്നതിനും വേഗത്തില്‍ ചരക്ക് നീക്കം സാധ്യമാക്കുന്നതിനും ആവശ്യമായ ആധുനിക ക്രമീകരണങ്ങളും പുതിയ ടെര്‍മിനലില്‍ ഉണ്ട്. എമിഗ്രേഷന്‍ നടപടികള്‍ക്കായി ഇന്റര്‍ കണക്റ്റഡ് ബയോമെട്രിക് സംവിധാനം, സെല്‍ഫ് സര്‍വീസ് കിയോസ്‌കുകള്‍ ആധുനിക രീതിയിലുളള സെക്യുരിറ്റി ചെക്ക് ഇന്‍ പോയിന്റുകള്‍ എന്നിവയും മിഡ്ഫീല്‍ഡ് ടെര്‍മിനലിന്റെ പ്രത്യേകതയാണ്.
കൂടുതൽ വാർത്തകൾക്കും വിശേഷങ്ങൾ അറിയുന്നതിനായി മലയാളദേശം Whatsapp ഗ്രൂപ്പിൽ ജോയിൻ ചെയ്യുക https://chat.whatsapp.com/DYIe42DWaDnGyI9ObSyA1C
